雅妍起外面等，等左5分钟左右，张俊明先出黎开门，简单打个招呼就叫雅姗入去。
雅妍睇佢果样好似有d紧张，而且脸上有d伤痕，但由于公家地方好窄，决定入左佢个单位时先问。
入到去，眼见只有一张好简单既碌架床，一把推翻左既风扇，一张台同饭煲，还好间房算叫通风，冇之前陈大军间房咁闷热。
入到所谓既「厅」，根本就冇一张櫈可以坐，张俊明好尴尬咁执开床上面既衫俾个位雅妍坐。
雅妍开口问：张生，点解你脸上有伤，同埋你个仔去左边呢？张俊明：陈姑娘，你唔好问咁多啦……我今日唔系好得闲，你可唔可以改第二日上黎啊？雅妍：张生你冇事嘛？系咪有咩难言之隐啊？讲出黎睇下我帮唔帮到你？张俊明：你帮我唔到架啦！你快d走啦，再唔走你就赶……突然出面对门呯一声俾人大力推开左，之前应门果个纹身男人走左入黎，后面仲多左个染左金毛，mk味浓既男仔，睇上去只有16岁左右。
纹身汉：烂赌明，你欠我条数宜家度好点俾我未啊？！头先你话度下听日交住d息先，你咪耍我啊！金毛：大佬，睇怕条友听日都还唔到架啦，不如将佢个仔卖上去大陆，等d人割晒佢d器官，听讲割晒都有十几万啊，哈
-->>(第2/27页)（本章未完，请点击下一页继续阅读）